నవతెలంగాణ-హైదరాబాద్‌బ్యూరో
           రాష్ట్ర ప్రభుత్వ అధికారిక వేడుకగా 'మేడే'ను నిర్వహిస్తున్నట్టు కార్మికశాఖ కమిషనర్‌ అహ్మద్‌ నదీమ్‌ సోమవారం ఉత్తర్వులు జారీ చేశారు. మే 1వ తేదీ రవీంద్రభారతిలో జరిగే కార్యక్రమంలో బెస్ట్‌ మేనేజ్‌మెంట్స్‌ అవార్డులు, కార్మికులు, కార్మిక సంఘాల నాయకులకు శ్రమశక్తి అవార్డులు ప్రదానం చేయనున్నట్టు తెలిపారు. దీనికోసం నామినేషన్లను ఆహ్వానించారు. ఏప్రిల్‌ 15వ తేదీ సాయంత్రం 5 గంటల లోపు యాజమాన్యాలు, కార్మిక సంఘాల నాయకులు నామినేషన్లను కార్మిక శాఖ వెబ్‌సైట్‌ www.labour.telangana.gov.inకు పంపాలని కోరారు. ఆఫ్‌లైన్‌ నామినేషన్లను అంజయ్య కార్మిక సంక్షేమ భవన్‌లోని మొదటి అంతస్తు, జీ సెక్షన్‌లో స్వీకరిస్తారని తెలిపారు.