- తెలంగాణ బీసీ స్టడీ సర్కిల్‌
నవతెలంగాణ బ్యూరో-హైదరాబాద్‌
           గ్రూప్‌ -1 కోచింగ్‌ ప్రోగ్రామ్‌ కోసం హైదరాబాద్‌లోని ఓయూ సెంటర్‌లో తాజా బ్యాచ్‌ కోసం వచ్చే నెల మూడో తేదీ నుంచిి కోచింగ్‌ తరగతులు ప్రారంభం కానున్నాయని తెలంగాణ బీసీ స్టడీ సర్కిల్‌ డైరెక్టర్‌ కె అలోక్‌ కుమార్‌ మంగళవారం ఒక ప్రకటనలో తెలిపారు. . డిగ్రీ, ఇంటర్మీడియట్‌లో ప్రథమ తరగతిలో ఉత్తీర్ణులైన (200) అభ్యర్థులకు ఉచిత కోచింగ్‌ ప్రోగ్రామ్‌ కోసం గతంలో మెయిన్సుకు అర్హత సాధించిన, ఉత్తీర్ణత సాధించని అభ్యర్థుల నుంచి దరఖాస్తులు ఆహ్వానిస్తున్నట్టు తెలిపారు. మధ్యాహ్న భోజనం టీఎస్‌బీసీ స్టడీ సర్కిల్లో ఏర్పాటు చేస్తున్నట్టు పేర్కొన్నారు. తల్లిదండ్రుల ఆదాయం ఏడాదికి రూ.5 లక్షల కంటే తక్కువ ఉన్న వారు అర్హులని తెలిపారు. ఇంతకుముందు మెయిన్స్‌లో ఉత్తీర్ణత సాధించని టీఎస్‌పీఎస్‌సీ గ్రూప్‌-1కి వెయిటేజి, ఉన్నత విద్యార్హతలకు 10శాతం మార్కులు, డిగ్రీ మార్కులకు 50శాతం, ఇంటర్మీడియట్‌ మార్కులకు 20శాతం ఇవ్వనున్నట్టు తెలిపారు. అభ్యర్థులు తమ దరఖాస్తులను ఆదాయ, కుల ధృవీకరణ పత్రాలతో పాటు విద్యా అర్హతల ధృవీకరణ కాపీలతో నేరుగా బీసీ స్టడీ సర్కిల్‌, ఓయూ క్యాంపస్‌లో 31-03-2023 లోపు సమర్పించాలని తెలిపారు. మరిన్ని వివరాల కోసం 040- 2018, 040-27077929 సంప్రదించాలని కోరారు.