న్యూయార్క్‌ : కరోనా వైరస్‌ను అంతం చేయడం అసాధ్యమని, రక్షణ చర్యలతోనే వైరస్‌ను కట్టడి చేయగలమని ప్రపంచ ఆరోగ్య సంస్థ (డబ్ల్యూహెచ్‌ఓ) చీఫ్‌ టెడ్రోస్‌ అథనామ్‌ గబ్రేయేసస్‌ స్పష్టం చేశారు. ఇప్పటివరకు ప్రపంచవ్యాప్తంగా 78 కోట్ల డోసుల కోవిడ్‌ వ్యాక్సిన్లు అందజేసినా మహమ్మారి విస్తరిస్తోందని, నిరూపిత రక్షణ చర్యలతోనే వైరస్‌ను నియంత్రించగలమని అన్నారు. ప్రపంచవ్యాప్తంగా 13,65,00,400 మందికిపైగా వైరస్‌ బారిన పడగా, 29,44,500 మందికిపైగా మరణించారని తెలిపారు. ఆసియా, మధ్య ప్రాచ్య దేశాల్లో భారీగా కేసులు నమోదవుతున్నాయని చెప్పారు.
మీ స్నేహితులకు రికమెండ్ చెయ్యండి
