- వంతెన కూలి కిందపడ్డ మెట్రో రైలు..
మెక్సికో : మెక్సికోలో రైలు ప్రమాదం సంభవించింది. వంతెన కూలి దానిపై వెళ్తున్న మెట్రో రైలు కిందపడగా 23 మంది ప్రాణాలు కోల్పోయారు. రాజధాని మెక్సికో సిటీలో ఓ వంతెనపై మెట్రో రైలు దూసుకెళుతుండగా వంతెన ఒక్కసారిగా కూలిపోయింది. దీంతో ఆ రైలు కింద వెళ్తున్న కార్లపై పడింది. ఈ ప్రమాదంలో 23 మంది చనిపోగా.. మరో 70 మందికి గాయాలైనట్టు సమాచారం.సహాయకబృందాలు రంగంలోకి దిగి చర్యలు చేపట్టాయి. అయితే మరణాల సంఖ్య పెరిగే అవకాశమున్నదని అధికారవర్గాలు తెలిపాయి.
మెట్రో లైన్‌ పురాతనమైనదనీ, అందువల్లే ఈ ప్రమాదం సంభవించినట్టు మీడియా వర్గాలు వెల్లడించాయి. ఈ దుర్ఘటనపై మెక్సికో సిటీ మేయర్‌ క్లాడియా షీన్‌బామ్‌ దిగ్భ్రాంతి వ్యక్తం చేశారు. మృతుల కుటుంబాలకు సంతాపం తెలియజేశారు. ప్రమాదానికి కారణాలు దర్యాప్తు చేస్తున్నామనీ, కారకులపై కఠిన చర్యలు తీసుకుంటామని తెలిపారు.