-నలుగురి మృతి..ఏడుగురికి గాయాలు
వాషింగ్టన్‌: అమెరికాలో మరోసారి కాల్పుల మోతమోగింది. ఒకే రోజు మూడు ప్రాంతాల్లో కాల్పులు జరిగాయి. నలుగురు మృతిచెందగా... మరో ఏడుగురు గాయపడ్డారు. మేరీల్యాండ్‌లో శనివారం కాల్పుల కలకలం రేగింది. ఈ ఘటనలో నలుగురు మరణించారు. మరొకరికి గాయాలైనట్టు అధికారులు తెలి పారు. కాల్పులకు తెగబడినట్టుగా భావిస్తున్న అనుమానితుడిని పోలీసులు అక్కడిక్కడే కాల్చిచంపారు. నిందితుడు కాల్పులు జరపడానికి కారణాలు తెలియరాలేదు.దక్షిణ ఫ్లోరిడాలోని ఓ మాల్‌లో రెండు సమూహాల మధ్య గొడవ కాల్పులకు దారి తీసింది. శనివారం మధ్యాహ్నం జరిగిన ఈ ఘటనలో ముగ్గురు గాయపడ్డారు. న్యూయార్క్‌లోని టైమ్స్‌ స్క్వేర్‌లోనూ శనివారం మధ్యాహ్నం కాల్పు లు జరిగాయి. ఈ ఘటనలో నాలుగేండ్ల చిన్నారి సహా ముగ్గురిపై దుండగులు కాల్పులు జరిపి పారిపోయారు. వారికోసం గాలిస్తున్నట్టు అధికారులు తెలిపారు.