- ప్రపంచవ్యాప్తంగా 13,843 మరణాలు
- భారత్‌లోనే అత్యధిక సంక్రమితకేసులు,మృతులు
వాషింగ్టన్‌: ప్రపంచవ్యాప్తంగా కరోనా ప్రళయం కొనసాగుతూనే ఉన్నది. 24 గంటల్లో ప్రపంచంలో 7 లక్షల 51 వేల 488 కరోనా సోకినట్టు గుర్తించగా 13,843 మంది మరణించారు. భారత్‌ అనుహ్యంగా కేసులు,మరణాలు ఎక్కువగా నమోదవుతున్నాయి. గత 24 గంటల్లో 3.62 లక్షల కొత్త కేసులు, 4,126 మంది మరణించారు. భారత్‌ తర్వాత బ్రెజిల్లో కొత్తగా 76,638 కేసులు, 2,545 మరణాలు సంభవించాయి.
భారత్‌లో సెకండ్‌వేవ్‌ కారణం...
గత నెలలో జరిగిన ఎన్నికలు,కుంభమేళా దేశంలో కరోనా వేగంగా సంక్రమణ చెందడానికి ప్రధాన కారణాలని వైద్యనివేదికలు విశ్లేషించాయి. ఇక ప్రపంచ ఆరోగ్య సంస్థ (డబ్ల్యూహెచ్‌ఓ) నివేదిక కూడా దీన్ని ధ్రువీకరించింది. కరోనాకు సంబంధించి డబ్ల్యూహెచ్‌ఓ బుధవారం విడుదల చేసిన నివేదికలో భారత్‌లో కరోనా ఇన్‌ఫెక్షన్‌ పెరగడం వెనుక అనేక కారణాలు ఉన్నాయని తెలిపింది.
ప్రపంచవ్యాప్తంగా 50శాతం కేసులు భారత్‌ నుంచే...
ప్రపంచవ్యాప్తంగా కరోనా పరిస్థితి గురించి ప్రపంచ ఆరోగ్య సంస్థ గత వారంలో కొత్త కేసులలో స్వల్ప తగ్గుదల, అంటువ్యాధులతో మరణాలు సంభవించాయని తెలిపింది. ఈ కాలంలో 55 లక్షల కొత్త కేసులు రాగా 90వేల మంది ప్రాణాలు కోల్పోయారు. 50శాతం కేసులు, 30 శాతం మరణాలు భారత్‌లోనే సంభవించాయి. గత వారం ఆగేయ ఆసియాలో మొత్తం కేసులలో 95 శాతం భారతదేశానికి చెందినవి కాగా.. మొత్తం మరణాలలో 93 శాతం ఇండియాలో నమోదుకావటం విశేషం.
కోవిడ్‌ -19 మహమ్మారిని నివారించవచ్చు: ప్యానెల్‌
స్వతంత్ర నిపుణుల బృందం కరోనావైరస్‌లను, కోవిడ్‌ -19 లతో వ్యవహరించవచ్చని పేర్కొంది, అయితే ప్రపం చవ్యాప్తంగా ఉన్న ప్రభుత్వాలు వీటిని నియంత్రించలేవు. అన్ని స్థాయిలలో నిర్లక్ష్యానికి కారణమవుతాయి. అమాయక జనం ప్రాణాలు కోల్పోతారనే వాదన వినిపిస్తున్నది. ఈ నివేదికను ఇండిపెండెంట్‌ ప్యానెల్‌ ఫర్‌ పాండమిక్‌ సన్నద్ధత, ప్రతిస్పందన (ఐపీపీపీఆర్‌) విడుదల చేసింది.
ఇప్పటివరకు 16.10 కోట్ల కేసులు
ఇప్పటివరకు, ప్రపంచంలో 16.1 కోట్లమందికి పైగా కరోనా ప్రజలు కరోనా వైరస్‌ బారిన పడ్డారు. వీరిలో 33.44 లక్షల మంది మరణించగా, 13.98 కోట్ల మంది కరోనానుంచి కోలుకున్నారు.ప్రస్తుతం 1.88 కోట్ల మంది చికిత్స పొందుతున్నారు. వీరిలో 1.87 కోట్ల మందికి కరోనా సొకినట్టు.. తేలికపాటి లక్షణాలు ఉన్నాయి మరో 1.05 లక్షల మంది కరోనా పేషెంట్ల పరిస్థితి ఆందోళనకరంగా ఉన్నదని వైద్యవర్గాలు తెలిపాయి.