చివరి అంకం మొదలు కాగానే
రంగస్థలం కుప్పకూలింది
నరుని నాటకానికి తెర పడింది

పాత్రలన్నీ చెల్లాచెదురై
వెంటిలేటర్ల పై గంటలు లెక్కిస్తున్నాయి
అందరూ ఒకరి దుఃఖాన్ని ఒకరు తుడుచుకుంటున్నారు
పాత్రధారులు కొందరు పారిపోయి
ఇటుక డబ్బాలలో దాక్కున్నారు
భీతిల్లిన ప్రేక్షకులు లాక్‌ డౌన్‌ ను
కిటికీ సందుల్లోంచి
గట్టిగా అమలు చేస్తున్నారు

ఇప్పుడిప్పుడే రెప్పలు తెరచి
ఒక్కసారి తన పురాకతిని చూసుకొని
పొంగి పోయింది ప్రకతి

ఆకాశ సరోవరంలో కొత్తస్నానం చేసిన గాలి
కొమ్మల చేతులతో ఆనందతాండవంచేసింది
కోకిలలు చిలుకలు మైనాలు
సూర్యచంద్రుల వెలుగుల్లో
అలసట లేని నాట్యం చేస్తున్నాయి
ఏనుగులు జింకలు కుందేళ్ళు
ఎన్నో రోజులకు నీటి అద్దంలో
తమ ముఖాలను చూసుకొని తెగసంబరపడ్డాయి
పులులు సింహాలు రోడ్లమీదనెమరేస్తున్నాయి
చెత్తాచెదారం కళేబరాలు లేని
నదులు వాగులు చెరువులు
తమ ముఖాలు చూసుకుని ఆశ్చర్యపడ్డాయి

ఓజోన్‌ రంధ్రం లో చిక్కుకున్న
పక్షుల్ని చూసి తల్లడిల్లింది తల్లి
విషపు మబ్బులకు కళ్ళు పోయిన
పావురాలను చూసి కుమిలిపోయింది
దుర్గంధాలైన ముక్కు రంధ్రాలను
పచ్చని పైటతో శుభ్రం చేసింది
వాహనాలు యంత్రాల హౌరుకు
పుండు పుండై న చెవులకు
నిశబ్దపు పసరు పూసింది

ఏమీలేని, ఏది అంటని, దేనికీ లొంగని
వజ్ర ఖడ్గం లాంటి ఒక కొత్త మనిషి
ముందు తరాల కోసం కొత్తకథనుఅల్లుతున్నాడు
స్వార్థం, ద్వేషం, కులం, మతం, ఆదిపత్యంలేని
వేషధారుల కోసం పోటీలు ప్రకటించాడు.
(తొలి కిరణాలు సంకలనంలో ప్రచురితం, ఏప్రిల్‌ 2021)
- డా. ఉదారి నారాయణ, 9441413666