Sat 01 Jan 23:08:42.735115 2022
ఒక పోరాటాన్ని రాజేయాలంటే
గత పోరాటాల తీరుతెన్నుల్ని అవలోకనం చేసుకోవాలి
లక్ష్యాన్ని గిరిగీసుకుని
లక్షణంగా ముందుకు సాగుతుండాలి
దీక్షలుంటాయి నిరీక్షణలుంటాయి
అవమానాలుంటాయి అడకత్తెరలో ఇరికించడాలుంటాయి
ప్రాణత్యాగాలుంటాయి పరిహారాలు చెల్లించడాలుంటాయి
రాళ్లుంటాయి ముళ్లుంటాయి
ధ్వంసముంటుంది విధ్వంసముంటుంది
చెమటకారుతుంటుంది రక్తం పారుతుంటుంది
శాసనసభలో తీర్మానాలుంటాయి లోకసభలో ప్రకటనలుంటాయి
ఎలాగోలాగ పోరాటం చేయడం కాదు
విజయమందే వరకూ పోరాటం చేయాలి
అమరత్వం పుషించే వరకూ పోరు చేస్తూనేవుండాలి
శ్వాసను బంధించినా ఉనికిని బంధించలేరు
తుపాను గాలిని మించి పోరాట గీతాన్ని ఆలపిస్తుంది
అప్పుడే 'కోరస్‌' అందుతుంది
- కోడం పవన్‌కుమార్‌
9848992825
మీ స్నేహితులకు రికమెండ్ చెయ్యండి
