Sat 05 Mar 22:36:39.713083 2022
అదుగో ఎవడో
శత్రువేమో!
రాళ్లు విసరండి!
చంపండి!!
అదుగో ఎవడో రాక్షసుడు,
నల్లగా వున్నాడు, శత్రువే!
విల్లంబులు తియ్యండి!
బల్లేలు విసరండి!
కుళ్ల బొడవండి!
అదిగో ఎవడో
మన మతం గాని వాడు!
కత్తులు తీయండి!
తెగ నరకండి!
ఎవడో గీత కవతల
కతలు బడుతున్నాడు!
ఏకే ఫాటీ సెవెన్లు తియ్యండి!
మిసైళ్ళు విసరండి!
బాంబులు వెయ్యండి!
దాడులు చెయ్యండి!
ఇటుక ఇటుక పేర్చి కట్టిన
శ్రమ జీవుల కట్టడాల్ని కూల్చండి!
మరో తరపు అందమైన ఆశా సౌధాల్ని కూల్చండి!
మానవ జాతి స్వప్నించే భవిష్యత్తును ఛిద్రం చెయ్యండి!
నీ బతుకు చెడ!
మారిందెప్పుడురా నువ్వు?
రాళ్లతో కొట్టి చంపితేనేం?
రాకెట్లతో చంపితేనేం?
తోటి మనిషిని చంపడమే కదరా
యుద్ధ మంటే!!!
- వి. విజయకుమార్‌, 8555802596
మీ స్నేహితులకు రికమెండ్ చెయ్యండి
