Mon 18 Jul 02:54:30.141755 2022
ఎండల
చెట్టునీడన
నాలుగు మధ్యం సీసాలు
విందుకు పోగైనై
జంబో గ్లాసుల్లో
ఆనందాన్ని ఒంపుకొని
చీర్సు కొట్టినై
ముక్కను కొరికి
మెత్తగ నమిలి
బొక్కను గిరాటేసినై
మత్తెక్కువైన బాటిళ్లు
గళ్ళాలు పట్టుకొని
బట్టలిప్పుకున్నై
గుండె పగిలిన బాటిల్‌
పెంకులు పెంకులుగా రాల్చుకొని
గాయపడ్డది
గొడుగు పట్టి నిలబడ్డ చెట్టుకింద
కాసేపు తత్వపుగాలి
మాటై, పాటై, నవ్వై, ఏడుపై
అటూఇటూ వీచింది
వానాకాలం
చెట్టునీడ
'గాజు పల్లేరు' మొలకలతో
రక్తమోడింది.
- వడ్లకొండ దయాకర్‌
9440427968
మీ స్నేహితులకు రికమెండ్ చెయ్యండి
