Sun 27 Nov 01:35:53.96736 2022
ఆటంటే ఓ ఎన్నికల ఆట
గెలుపోటముల వెదుకులాట
మాయ లేదు మంత్రం లేదు
ఓటుతో ప్రజాస్వామ్య తంత్రం!
విజయం అంత సులువు కాదు
ఇది సంకుల సమరం
ఓడినా గెలిచినా
ఓటరు దేవుళ్ళ చేతిలోనే కదా!
ఎన్నికల్లో గెలవడం ఓ క(ల)ళ
మాటలతో గుండెలు రగిలించండి
నిప్పు లేకుండా పొగ రాజేయండి
ప్రలోభాలతో ప్రసన్నం చేసుకోండి!
దూషణ, భూషణ, తిరస్కారాల
బిరుదులు పొందండి!
గెలిచిన వారిని ప్రశంసించడానికి
ఓడిన వారిని ఓదార్చడానికి
రిజల్ట్‌ రోజు నాటకానికి
రియార్సల్స్‌ తో సిద్ధంగా ఉండండి!
గెలిస్తే మనమే చాణిక్యులమని
డంక బజాయించండీ
ఓడితే అనుభవం వచ్చిందని
''గీత'' బోధ చేయండి!
విజయం తెలిశాక
మద్దెల తిరగేసి ఒకవైపే కొట్టండి!
ఇది సంకుల సమరం!
దండలు ఎవ్వరి కోసం తెచ్చినా
గెలిచిన వానికి వెయ్యడానికి
సర్వం సిద్ధంగా ఉండండి!
- పి.బక్కారెడ్డి, 9705315250
మీ స్నేహితులకు రికమెండ్ చెయ్యండి
