Sun 11 Dec 00:50:20.671969 2022
దీపం వెలుగులో నీవున్నా
నీ నీడ నీ వెంటే కదా!
వెలుగునే ఇష్టపడే నీవు
అజ్ఞానాంధకారాన్ని తొలిగించుకోవేల!
చీకటికి ఏమి తెలుసు
వెలగాలంటే ఎన్ని వెతలో
వెలిగేటివన్నీ తమను తాము
ఎల్లప్పుడు ఎంత దహించుకుంటున్నవో!
వర్షం వస్తే హర్షించే వారికి
వర్షం పడకుంటే నిందించే వారికి
అలుపెరుగక పయనించి వర్షించే
మేఘాల ఎలినినో దెబ్బలేమి తెలుసు!
జలపాతం అందాలలో
కేరింతలు కొట్టే వారికి
ఒడ్డు నొరుసుకుంటూ పారే
ఏటి నీటి ఒంటి కష్టాలేమి తెలుసు!
వెలుగుతున్న వారంతా
ఎన్ని చీకట్లను తరిమినారో!
ఎంత శ్రమను ఇంధనంగా జ్వలిస్తూ
సూర్యుని లా నిరంతరం వెలుగుతున్నారో!
- పి.బక్కారెడ్డి, 9705315250
మీ స్నేహితులకు రికమెండ్ చెయ్యండి
