- ప్రిన్సిపాల్‌ భాగ్యలక్ష్మి
నవతెలంగాణ-కుల్కచర్ల
కుల్కచర్ల మండలం ముజాహిద్‌ పూర్‌ గ్రామంలో గల ఆదర్శ పాఠశాల లో 2021-22 విద్యా సంవత్సరంలో 6 నుంచి 10వ తరగతి వరకు ప్రవేశం పొందడానికి ఆన్‌లైన్‌లో దరఖాస్తులు ఆహ్వానిస్తున్నట్టు ఆదర్శ పాఠశాల ప్రిన్సిపాల్‌ భాగ్యలక్ష్మి మంగళవారం తెలిపారు. ఈ సందర్భంగా ఆమె మాట్లాడుతూ 6వ తరగతి ప్రవేశానికి ఏప్రిల్‌ 15 నుంచి ఏప్రిల్‌ 30 వరకు, 7నుంచి 10తరగతులకు ఏప్రిల్‌ 20నుంచి 30వరకు విద్యార్థులు ఆన్‌లైన్‌లో దరఖాస్తు చేసుకోవాలన్నారు. దరఖాస్తు చేసుకున్న విద్యార్థులు జూన్‌ 1నుంచి జూన్‌ 6వరకు హాల్‌టికెట్లు డౌన్‌లోడ్‌ చేసుకోవాలన్నారు. జూన్‌ 6న 6వ తరగతికి ఉదయం 10 నుంచి 12 గంటల వరకు, జూన్‌ 5వతేదిన 7 నుంచి 10వ తరగతి వారికి ఉదయం 10 నుంచి 12 వరకు ప్రవేశ పరీక్ష నిర్వహిస్తామని వివరించారు. పరీక్ష ఫలితాలు జూన్‌ 14న విడుదల చేసి పరీక్షలో ఎంపికైన వారి వివరాలు జూన్‌ 17న అందుబాటులో ఉంచతామ న్నారు. జూన్‌ 18 నుంచి 20 వరకు పరీక్షలో ఎంపికైన విద్యార్థుల ధ్రువపత్రాల పరిశీలన, అడ్మిషన్లు ఉంటాయని తెలిపారు. కాగా ఆన్‌లైన్‌లో దరఖాస్తు చేసుకునే విద్యార్థులు ఓసీలకు రూ.150, బీసీ, ఎస్సీ, ఎస్టీలకు రూ.75 దరఖాస్తు రుసుం చెల్లించాలన్నారు. ఏప్రిల్‌ 15 నుంచి http://telanganams.cgg.gov.in ఆన్‌లైన్‌లో దరఖాస్తు చేసుకోవాలని సూచించారు. మరింత సమాచారం కొరకు 9177251984 నంబర్‌ను సంప్రదించాలన్నారు.
