నవతెలంగాణ-మణికొండ
గోవుల సంరక్షణ ప్రతి ఒక్కరి భాద్యత అని మున్సిపల్‌ వైౖస్‌ చైర్మన్‌ నరేందర్‌రెడ్డి అన్నారు. మణికొండలోని అల్కాపూరి టౌన్‌షిప్‌లో తుల్జారాం టెంపుల్‌ వద్ద బుధవారం గోశాల ప్రారంభోత్సవం ఘనంగా నిర్వహించారు. ఈ కార్యక్రమానికి ముఖ్యఅతిధిగా మణికొండ మున్సిపల్‌ వైస్‌ చైర్మన్‌ నరేందర్‌రెడ్డి పాల్గొని ప్రారంభించారు. ఈ సందర్భంగా ఆయన మాట్లాడుతూ తుల్జారాం టెంపుల్‌లో గోశాలకు కావాల్సిన ఏర్పాట్లు చేసి గోవుల సంరక్షణ బాధ్యతలు టెంపుల్‌ పూజారులు భజరంగ్‌ ప్రసాద్‌కి అప్పగిం చామన్నారు. మున్ముందు మరిన్ని గోవులను ఇక్కడికి తీసుకొని రావడం కోసం కృషి చేస్తానని తెలిపారు. ఈ కార్యక్రమంలో మణికొండ మున్సిపల్‌ ప్రెసిడెంట్‌ బీరప్ప, శంకర్‌ సింగ్‌, కో-ఆప్షన్‌ మెంబర్‌ సిద్ధప్ప, ఎర్రోళ్ల వేణుకుమార్‌, అనితాదేవి, కీసరి శ్రీనివాస్‌, పుప్పాల గూడ మాజీ సర్పంచ్‌ రాజ్‌ కుమార్‌, కౌన్సిలర్‌ శ్రీకాంత్‌ స్వామి, తదితరులు పాల్గొన్నారు.
