నవతెలంగాణ-చందానగర్‌
చందానగర్‌ పోలీస్‌ స్టేషన్‌ పరిధిలో పాపిరెడ్డి కాలానికి చెందిన మరో యువతి అదృశ్యమైనట్టు పోలీసులు తెలిపారు. పాపిరెడ్డికి చెందిన అన్నమ్మ, బాలయ్యలకు ఐదుగురు ఆడపిల్లలు ఉన్నారు. నాల్గో కూతురు పూజిత (19) ఈ నెల 5న మధ్యాహ్నం రెండు గంటలకు ఇంట్లో ఎవరికి చెప్పకుండా గుర్తు తెలియని వ్యక్తితో బైకుపై వెళ్లిందని తన చిన్నకూతురు శిరీష చూసి తల్లికి ఫోన్‌ ద్వారా సమాచారం అందించింది. వారు ఆచూకీ కోసం ప్రయత్నించినా ఫలితం లేదు. దీంతో యువతి తండ్రి బాలయ్య ఇచ్చిన ఫిర్యాదు మేరకు పోలీసులు కేసు నమోదు చేసుకుని దర్యాప్తు చేస్తున్నట్లు తెలిపారు. ఆచూకీ తెలిసిన వారు 040 27853911, 9440881622, కంట్రోల్‌ రూమ్‌ నంబర్‌ 100, 04027853408 నంబర్లకు సమాచారం ఇవ్వాలని సూచించారు.