నవతెలంగాణ-శంషాబాద్‌
మోర్డ్‌ స్వచ్ఛంద సంస్థ వ్యవస్థాపకులు డాక్టర్‌ శ్రీనివాస్‌ కు 2020- 21 సంవత్సరానికి గాను ఉగాది పురస్కారం అందుకున్నారు. శంషాబాద్‌లో ఆర్‌ఎంపీ డాక్టర్‌గా వైద్య వృత్తిలో సేవలందిస్తూ సామాజిక సేవా కార్యక్రమాల్లో పాల్గొంటున్న ఆయనకు నేషనల్‌ అకాడమీ ఫర్‌ టాలెంట్‌ అసోసియేషన్‌(నాటా) వేదిక సిసి టీవీ ఉగాది పురస్కార అవార్డు ప్రదానం చేసింది. హైదరాబాద్‌లోని తెలంగాణ సారస్వతిక పరిషత్‌ హల్‌ లో ఉగాది పురస్కార అవార్డు ప్రదానోత్సవ కార్యక్రమం జరిగింది. ముఖ్య అతిథులుగా ఢిల్లీలో తెలంగాణ ప్రభుత్వ ప్రత్యేక ప్రతినిధి డాక్టర్‌ సముద్రాల రాజగోపాలాచారి, మూవీ ఆర్టిస్ట్‌ డాక్టర్‌ వకుళాభరణం కృష్ణ మోహన్‌ చేతులమీదుగా అవార్డు అందుకున్నారు. ఈ సందర్భంగా శంషాబాద్‌లో సోమవారం ఆయన మాట్లాడుతూ అవార్డు రావడం పట్ల సంతోషం వ్యక్తం చేశారు. సంవత్సరాల తరబడి అన్నిరంగాల్లో సామాజిక సేవా కార్యక్రమాలను గుర్తించి సంస్థ అవార్డు అందజేసినట్టు తెలిపారు.
