- ఎమ్మెల్యే కాలే యాదయ్య
నవతెలంగాణ-శంకర్‌పల్లి
యువత డాక్టర్‌ బీఆర్‌ అంబేద్కర్‌ ఆశయాలను ముందుకు తీసుకెళ్లాలని ఎమ్మెల్యే కాలే యాదయ్య అన్నారు. సోమవారం శంకర్‌పల్లి మండల పరిధిలోని పరివేద గ్రామంలో ఏర్పాటు చేసిన అంబేద్కర్‌ విగ్రహాన్ని ఆయన ప్రారంభించారు. ఈ సందర్భంగా ఏర్పాటు చేసిన సమావేశంలో ఆయన మాట్లాడుతూ డాక్టర్‌ బీఆర్‌ అంబేద్కర్‌ కృషితోనే ప్రతి ఒక్కరూ రాజకీయాల్లో, రిజర్వేషన్ల ద్వారా ఉద్యోగాలు సాధించి ఉన్నత స్థాయిలో కొనసాగుతున్నారని అన్నారు. అంబేద్కర్‌ చేసిన సేవలు ప్రపంచ నలుమూలల వ్యాప్తి చెందాయన్నారు. నేటి యువత అంబేద్కర్‌ ఆశయాలను నెరవేర్చాలని కోరారు. ఈ కార్యక్రమంలో మార్కెట్‌ కమిటీ చైర్మెన్‌ బుచ్చిరెడ్డి, ఎంపీటీసీ వెంకట్‌రెడ్డి, సర్పంచ్‌ షిరిగిద్ద ఎల్లయ్య, అంబేద్కర్‌ సంఘం వ్యవస్థాపకుడు బాలయ్య, టీఆర్‌ఎస్‌ మండలాధ్యక్షుడు కావలి గోపాల్‌, నాయకులు గోపాల్‌ రెడ్డి, ప్రవీణ్‌ కుమార్‌, సుభాన్‌ రెడ్డి, మాజీ డీఎస్సీ యాదయ్య, ఆలిండియా అంబేద్కర్‌ సంఘం కార్యదర్శి రాజు, కార్యనిర్వాహక కమిటీ సభ్యులు గాలయ్య, లక్ష్మయ్య, నర్సింలు, శ్రీకాంత్‌, భిక్షపతి, శ్రీహరి, వెంకటయ్య, జంగయ్య, వార్డు సభ్యులు రవి, నగేశ్‌ తదితరులున్నారు.
