నవతెలంగాణ-మహేశ్వరం
భద్రాచలం మాజీ శాసనసభ్యులు ఆదర్శనేత కామ్రెడ్‌ కుంజాబొజ్జి అకాల మరణం పార్టీకి తీరని లోటని సీపీఐ(ఎం) మండల కార్యదర్శి అలువాల రవికుమార్‌ అన్నారు.మంగళవారం మహేశ్వరం మండల కేంద్రం అంబేద్కర్‌ చౌరస్తావద్ద ఆయన చిత్రపటానికి పూలమాలలు వేసి నివాళులర్పించారు. అనంతరం ఆయన మాట్లాడుతూ పుచ్చలపల్లి సుందరయ్యను ఆదర్శంగా తీసుకున్న కుంజాబొజ్జి జీవితాంతం ప్రజల కోసం అనేక పోరాటాలు చేసి ప్రజాల ఆదరణ పొందిన నేత అని కొనియాడారు. 1986, 89, 94లో కాంగ్రెస్‌ అభ్యర్థులపై విజయం సాధించిన నేత నేటి తరానికి ఆదర్శమన్నారు. ఆదివాసం గిరిజన ఉద్యమాల నిర్మాత అని గుర్తు చేశారు.ఉద్యమాల గడ్డ ఖమ్మంలో పుట్టిన ఆయన ప్రజలపై మమకారంతో ఎమ్మెల్యేగా ఉన్న కాలంలో అనేక ఆర్థిక అవకాశాలు వచ్చినా ఖాతరు చేయలేదనీ, నేటికి సొంత ఇల్లు కూడా నిర్మించుకోలేని నిరాడంబరంగా కుంబాబొజ్జి చేసిన సేవలు మరవలేమన్నారు. నేటి యువత ఆయనను ఆదర్శంగా తీసుకుని ఆయన ఆశయ సాధన కోసం కృషి చేయాలని కోరారు.ఈ కార్యక్రమంలో సీపీఐ(ఎం) నాయకులు శేఖర్‌, మల్లేశ్‌, శ్రీశైలం, మహేందర్‌, సంఘం నాయకులు, శంకర్‌, చంద్రయ్య, జైజశ్రీశైలం, ప్రకాష్‌, మాణిక్యం తదితరులు పాల్గొన్నారు.
