- మాలమహానాడు జిల్లా అధ్యక్షుడు చిక్కుడు గుడాలు
నవతెలంగాణ-యాచారం
భారత రాజ్యాంగ నిర్మాత డాక్టర్‌ బీఆర్‌ అంబేద్కర్‌ జయంతి ఉత్సవాలను బహుజనులందరూ విజయవంతం చేయాలని చిక్కుడు గుండాలు మంగళవారం ఓ ప్రకటనలో పేర్కొన్నారు. అంబేద్కర్‌ జయంతిని పురస్కరించు దళిత సంఘాల నాయకులు సేవా కార్యక్రమాలు చేపట్టాలని కోరారు. జయంతి వేడుకల్లో ప్రతి దళిత బిడ్డ పాల్గొని అంబేద్కర్‌ ఆశయాలను ముందుకు తీసుకెళ్లాలని సూచించారు. యాచారం మండల పరిధిలోని అన్ని గ్రామాల్లో అంబేద్కర్‌ చిత్రపటానికి పూలమాలలు వేసి ఘనంగా నివాళులర్పించాలని తెలిపారు.
శంకర్‌పల్లిలో.. నేడు డాక్టర్‌ బీఆర్‌ అంబేద్కర్‌ జయంతి వేడుకలు ఘనంగా నిర్వహించనున్నట్టు ఉత్సవాల మీడియా కమిటీ కన్వీనర్‌ కాడిగల ప్రవీణ్‌కుమార్‌ తెలిపారు. బుధవారం ఉదయం అంబేద్కర్‌ జయంతి సందర్భంగా శంకర్‌పల్లి మండల కేంద్రంలో ఉదయం 10 గంటలకు మహనీయుల ఉత్సవాల కమిటీ ఆధ్వర్యంలో జయంతి నిర్వహించనున్నట్టు తెలిపారు. ఈ వేడుకలకు మండ లం ,మున్సిపల్‌ లోని వివిధ రాజకీయ పార్టీల నాయ కులు అంబేద్కర్‌ సంఘం అభిమానులు వివిధ సంఘాల నాయకులు , కుల సంఘాలు యువజన సంఘాల నాయకులు పాల్గొని విజయవంతం చేయాలని కోరారు.
