- హాజరైన ఎమ్మెల్యే ప్రకాష్‌ గౌడ్‌
నవతెలంగాణ-శంషాబాద్‌
డాక్టర్‌ బాబాసాహెబ్‌ అంబేద్కర్‌ ఆశయ సాధన కోసం ప్రతి ఒక్కరూ కషి చేయాలని రాజేంద్రనగర్‌ శాసనసభ్యులు ప్రకాష్‌ గౌడ్‌ అన్నారు. బుధవారం అంబేద్కర్‌ 130వ జయంతి వేడుకలలో భాగంగా శంషాబాద్‌ మండల పరిధిలోని హమీదుల్లానగర్‌లో గ్రామ సర్పంచ్‌, విగ్రహ దాత వట్టెల సతీష్‌ యాదవ్‌, అంబేద్కర్‌ యువజన సంఘం ఆధ్వర్యంలో అంబేద్కర్‌ విగ్రహావిష్కరణ కార్యక్రమం నిర్వహించారు. ఈ కార్యక్రమంలో ముఖ్య అతిథిగా పాల్గొన్న ఎమ్మెల్యే అంబేద్కర్‌ విగ్రహావిష్కరణ చేసి మాట్లాడారు. రాజ్యాంగం ద్వారానే ఆత్మగౌరవంతో బడుగు బలహీన వర్గాల ప్రజలు సామాజికంగా విద్య, ఉద్యోగ రాజకీయ అవకాశాలు పొందగలుగుతున్నారని తెలిపారు. సర్పంచ్‌ విజ్ఞప్తి మేరకు గ్రామానికి నిధులు కేటాయించి అన్ని రంగాల్లో అభివద్ధి చేస్తానని హామీనిచ్చారు. కార్యక్రమంలో ఎంపీపీ జయమ్మ శ్రీనివాస్‌ జడ్పీటీసీ నీరటి తన్విరాజు, పీఏసీఎస్‌ చైర్మన్‌ బొమ్మ దవనాకర్‌ గౌడ్‌, ఉప సర్పంచ్‌ దుబ్బచెర్ల మాధవియాదగిరి, టీఆర్‌ఎస్‌ మండల అధ్యక్షులు కే చంద్రారెడ్డి, గ్రామ కమిటీ అధ్యక్షులు దేవునిపల్లి శ్రీనివాస్‌, ఎం మహేందర్‌ రెడ్డి, ఎస్‌ శ్రీనివాస్‌, పీ శ్రీనివాస్‌, వార్డు సభ్యులు మంచర్ల సురేందర్‌, రమేష్‌ యాదవ్‌, మౌనిక భీమ్‌రెడ్డి, ప్రమీల, ఖలీమోద్దీన్‌, శారద పాల్గొన్నారు.
చిన్న గోల్కొండలో..
శాంతినికేతన్‌ యువజన సంఘం ఆధ్వర్యంలో విగ్రహావిష్కరణను చిన్నగోల్కొండలో నిర్వహించారు. యువజన సంఘం నాయకులు బాలరాజ్‌ విగ్రహావిష్కరణ చేశారు. భారీగా నాయకులు పాల్గొన్నారు.
ఎంపీడీవో ఆఫీసులో..
ఎంపీడీవో కార్యాలయంలో ఎంపీపీ జయమ్మ శ్రీనివాస్‌, జడ్పీటీసీ తన్విరాజు, ఎంపీడీవో వినరు కుమార్‌, సూపరింటెండెంట్‌ ప్రతిభ ఆధ్వర్యంలో అంబేద్కర్‌ జయంతి వేడుకలు నిర్వహించారు.
