- ఎమ్మెల్యే మంచిరెడ్డి కిషన్‌ రెడ్డి
- మల్కిజ్‌గూడలో అంబేద్కర్‌ విగ్రహ ఆవిష్కరణ
నవతెలంగాణ-యాచారం
భారత రాజ్యాంగ నిర్మాత డాక్టర్‌ బీఆర్‌ బాబాసాహెబ్‌ అంబేద్కర్‌ ఆశయ సాధనకు కృషి చేస్తానని ఎమ్మెల్యే మంచిరెడ్డి కిషన్‌ రెడ్డి అన్నారు. బుధవారం యాచారం మండల పరిధిలోని మల్కిజ్‌ గూడలో అంబేద్కర్‌ కమిటీ అధ్యక్షుడు బీమాగ్రి, కార్యదర్శి, ఎంపీటీసీ దేరంగుల శారదా శంకర్‌, ముఖ్య సలహాదారులు బోడ అబ్బయ్య ల ఆధ్వర్యంలో ఏర్పాటు చేసిన డాక్టర్‌ బీఆర్‌ అంబేద్కర్‌ విగ్రహ ఆవిష్కరణకు ఎమ్మెల్యే కిషన్‌రెడ్డి మంచిరెడ్డి ముఖ్య అతిథిగా హాజరై ప్రారంభించారు.ఈ సందర్భంగా ఎమ్మెల్యే మాట్లాడుతూ అణగారిన వర్గాల అభివృద్ధికి నిరంతరం కృషి చేస్తానని చెప్పారు. బడుగు బలహీన వర్గాల కోసం సీఎం కేసీఆర్‌ ఎన్నో గురుకుల పాఠశాలలను ఏర్పాటు చేసి, వారి అభివద్ధికి బాటలు వేస్తున్నారని అభినందించారు. అదే విధంగా గ్రామ అభివృద్ధికి ఎమ్మెల్యే నిధుల నుంచి రూ.10 లక్షలు మంజూరు చేస్తున్నట్టు తెలిపారు. రాబోయే రోజుల్లో హైదరాబాద్ మహానగరానికి ఇబ్రహీంపట్నం నియోజకవర్గం ఒక రోల్‌ మోడల్‌ గా నిలుస్తుందని తెలిపారు. ఈ కార్యక్రమంలో ఎంపీపీ కొప్పు సుకన్య భాష, జడ్పీటీసీ చిన్నోల్ల జంగమ్మ యాదయ్య, సర్పంచులు చీర యాదమ్మ, కంబాల పెళ్లి ఉదయశ్రీ, దంతుక పెద్దయ్య, ఎండి హబీబుద్దిన్‌, కంబాలపల్లి సంతోష, నర్సిరెడ్డి, ఎంపీటీసీ మోరుగు శివలీలా రమేశ్‌, ఇస్రాత్‌ బేగం, సుమతమ్మా లోహిత్‌ రెడ్డి, డైరెక్టర్‌ మక్కపల్లి స్వరూప, స్వేరోస్‌ నాయకులు చెరుకూరి రాజు, మస్కు రమేష్‌, వార్డు మెంబర్ల జిల్లా ప్రచార కార్యదర్శి కొల్లం అనంతరెడ్డి, వివిధ పార్టీల నాయకులు తదితరులు పాల్గొన్నారు.
చేవెళ్ల: భారత రాజ్యాంగ సృష్టికర్త డాక్టర్‌ బీఆర్‌ అంబేద్కర్‌ దేశానికి చేసిన సేవలు ఎనలేనివని, ప్రతి ఒక్కరూ ఆయన ఆశయాల సాధనకు కృషి చేయాలని చేవెళ్ల ఎమ్మెల్యే కాలే యాదయ్య, ఎమ్మెల్సీ మహేందర్‌రెడ్డి, చేవెళ్ల ఎంపీపీ మాల్గారి విజయలక్ష్మిరమణారెడ్డి పిలుపునిచ్చారు. డాక్టర్‌ బాబా సాహెబ్‌ అంబేద్కర్‌ 130వ జయంతి సందర్భంగా బుధవారం చేవెళ్లలోని అంబేద్కర్‌ విగ్రహానికి పూలమాలలు వేసి, నివాళులర్పించారు. ఈ కార్యక్రమంలో చేవెళ్ల మండల సర్పంచుల సంఘం అధ్యక్షుడు శేరి శివారెడ్డి, చేవెళ్ల సర్పంచ్‌ శైలజ ఆగిరెడ్డి, ఎంపీటీసీ లు సున్నపు వసంతం, గుండాల రాములు, చేవెళ్ల సొసైటీ చైర్మెన్‌ దేవర వెంకట్‌ రెడ్డి తదితరులున్నారు.
