నవతెలంగాణ-బేగంపేట్‌
ద్విచక్ర వాహనాలను చోరీ చేస్తున్న ముఠాను మహంకాళి పోలీసులు అరెస్టు చేశారు. వారి వద్ద నుంచి 10 ద్విచక్ర వాహనాలను స్వాధీనం చేసుకున్నారు. ఏసీపీ బీబీ రమేష్‌ వివరాల ప్రకారం సుల్తాన్‌ బజార్‌కు చెందిన పూనం చంద్‌ పని నిమిత్తం స్వప్నలోక్‌ మినర్వా కాంప్లెక్స్‌ వద్దకు వచ్చాడు. ఈనెల3న రాత్రి 11 గంటలకు వైట్‌ కలర్‌ హోండాను గుర్తుతెలియని వ్యక్తులు దొంగిలించారని మహంకాళి పోలీసులకు ఫిర్యాదు చేశాడు. కాగా ఆ బైక్‌ ఈనెల 4, 5న సిటీలైట్‌ హోటల్‌ వద్ద కనిపించడంతో ఓవ్యక్తిని విచారించగా అసలు విషయం బయటపడింది. బైక్‌ చోరీలకు పాల్పడుతున్న నిందితులు రాజు, హాజరై, వినరు, దేవేందర్‌ సింగ్‌ లను అరెస్టు చేసి వారి నుంచి 10 బైక్‌లు స్వాధీనం చేసుకున్నట్లు పోలీసులు తెలిపారు. నిందుతులంతా హైదరాబాద్‌కు చెందిన వారీగా గుర్తించారు. ఈకేసుపై అన్ని కోణాల్లో దర్యాప్తు చేస్తున్నామని ఏసీపీ తెలిపారు. ఈసందర్భంగా డీఐ పురుషోత్తం, డీఎస్‌ఐ నరేష్‌, ఎస్‌ఐ గోపాల్‌ రావు, సిబ్బందిని ఏసీపీ అభినందించారు.