- తహసీల్దార్‌కు వినతిపత్రం గ్రామస్తుల
నవతెలంగాణ-జిల్లేడు చౌదరిగూడెం
పద్మారం గ్రామం నుండి రాంజతండాకు వెళ్లే రోడ్‌ను చుట్టూ పక్కల పొలం యజమానులు కబ్జా చేస్తున్నారని పద్మారం గ్రామస్తులు ఆరోపించారు. శుక్రవారం కబ్జాను ఆపాలని పలువురు పద్మారం గ్రామస్తులు తహసీల్దార్‌ రాములుకు వినతిపత్రం అందజేశారు. ఈ సందర్భంగా వారు మాట్లాడుతూ నక్ష బాటను అక్రమంగా కబ్జా చేయడంతో ఇరు గ్రామాల ప్రజలకు ఇబ్బందులు ఏర్పడుతున్నాయన్నారు. అధికారులు స్పందించి కబ్జా కాకుండా తగిన చర్యలు తీసుకోవాలని కోరారు. ఈ కార్యక్రమంలో భాస్కర్‌ గౌడ్‌, మహేందర్‌, యాదయ్య, వెంకటెష్‌ గౌడ్‌, వీరన్న చారి, తదితరులు పాల్గొన్నారు.
మీ స్నేహితులకు రికమెండ్ చెయ్యండి
