- డీసీఎం, బైక్‌ ఢీ కొని ఇద్దరు మృతి
- ఒకరి పరిస్థితి విషమం
- పరిగి ప్రభుత్వ ఆస్పత్రికి తరలింపు
- పరారీలో డీసీఎం డ్రైవర్‌
నవతెలంగాణ-పూడూర్‌
డీసీఎం, బైక్‌ ఢీ కొని ఇద్దరు మృతిచెందగా, ఒ కరి పరిస్థితి విషమంగా ఉంది. ఈ ఘటన వికా రాబాద్‌ జిల్లా పూడూరు మండలం చిన్నబండ స్టేజి సమీపంలో శుక్రవారం చోటు చేసుకుం ది. చంగముల్‌ పోలీసులు తెలిపిన వివరాల ప్రకారం వికారాబాద్‌ జిల్లా యాలాల మండలం చిత్తాపూర్‌ గ్రామానికి చెందిన పిచ్చకుంట్ల మల్కయ్య (46), కొందుర్గు మండలం విరసముద్రం గ్రామానికి చెందిన శివకుమార్‌ (17), పిచ్చకుంట్ల నవీన్‌ శుక్రవారం ఉదయం పోలెపల్లి గ్రామంలో మల్కయ్య అన్న కూతురు పుట్టు వెంట్రుకలు తీయడానికి హైదరాబాద్ నుంచి పరిగికి వెళ్తున్నారు. పూడూర్‌ మండల కేంద్రం సమీపంలోని చినబండ స్టేజి దగ్గర పరిగి నుంచి ఎదురుగా వస్తున్న డీసీఎం, బైక్‌ను ఢీ కొట్టింది. ఈ ఘటనలో మల్కయ్య, శివ కుమార్‌ అక్కడిక్కడే మృతి చెందారు. నవీన్‌కుమార్‌ తీవ్రంగా గాయపడ్డారు. డీసీఎం డ్రైవర్‌ అక్కడి నుంచి పారిపోయాడు. గమనించిన స్థానికులు వెంట నే పోలీసులకు సమాచారం అందించారు. వారు హుటాహుటిన సంఘటనా స్థలానికి చేరుకొని గాయపడిన నవీన్‌ను పరిగి ప్రభుత్వ ఆస్పత్రికి తర లించారు. మృతుల కుటుంబ సభ్యులు బుగ్గయ్య ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్టు పోలీసులు తెలిపారు. మృతదేహాలను పోస్టుమార్టం నిమిత్తం పరిగి ప్రభుత్వ ఆస్పత్రికి తరలించారు.
