- ఎంపీపీ లలితరమేష్‌, జడ్పీటీసీ మధుకర్‌
నవతెలంగాణ-మర్పల్లి
మండలంలో ప్రభుత్వ పథకాల అమలులో ఎంపీడీవో సురేష్‌ బాబు కృషి ఎంతో అమోఘం అని ఎంపీపీ బట్టు లలితరమేష్‌, జడ్పీటీసీ మధుకర్‌లు అ న్నారు. మర్పల్లి ఎంపీడీవోగా పనిచేసిన సురేష్‌ బాబు షాద్‌నగర్‌ డీఎల్‌పీఓగా ఉద్యోగోన్నతిపై వెళ్లడంతో ఎంపీడీవో కార్యాలయం హాలులో సోమవారం సురేష్‌ బాబు దంపతులకు ఘనంగా పూలు శాలువాలతో వీడ్కోలు సన్మానం ఏర్పాటు చేశారు. ఈ సందర్భంగా వారు మాట్లాడుతూ మండలంలో పల్లె ప్రకృతి వనం, రైతు వేదిక, శ్మశాన వాటి కలు, హరిత హారం, స్వచ్ఛ మండలం, పంటకల్లాలు, మరుగుదొడ్లు, వంటి నిర్మాణ పనులతోపాటు పేదల అభివృద్ధి కోసం కృషి చేశారని కొనియాడారు. అంతకుముందు ప్రొఫెసర్‌ జయశంకర్‌ వర్థంతి సందర్భంగా ఆయన చిత్రపటానికి పూలమాలలు వేసి నివాళ్లు అర్పించారు. ఈ కార్య క్రమంలో ఇన్‌చార్జి ఎంపీడీవో వెంకట్‌ రామన్‌గౌడ్‌, వైస్‌ ఎంపీపీ మోహన్‌రెడ్డి, కో-ఆప్షన్‌ సభ్యుడు సోహెల్‌ షరీఫ్‌, ఎంపీడీవో సోమలింగం, ఏపీవో అం జిరెడ్డి, ఏపీఎం మధుకర్‌, మండల వ్యవసాయ అధి కారి వసంత, ఆయా గ్రామాల సర్పంచులు, ఎంపీటీసీ సభ్యులు, సీనియర్‌ అసిస్టెంట్‌ మల్లికార్జున్‌, పం చాయతీ కార్యదర్శులు, తదితరులు పాల్గొన్నారు.
