- వీర్లపల్లి శంకర్‌ ఆధ్వర్యంలో రేవంత్‌రెడ్డికి సన్మానం
- శంకర్‌ సహకారం మరవలేనిదన్న రేవంత్‌..
నవతెలంగాణ-షాద్‌నగర్‌ రూరల్‌
తెలంగాణ ప్రదేశ్‌ కాంగ్రెస్‌ కమిటీ ప్రెసిడెంట్‌గా నియామకమైన రేవంత్‌రెడ్డిని షాద్‌నగర్‌ కాంగ్రెస్‌ శ్రేణులు కలిసి శుభాకాంక్షలు తెలియజేశారు. ఆదివారం షాద్‌నగర్‌ నియోజకవర్గ కాంగ్రెస్‌ పార్టీ సీనియర్‌ నేత వీర్లపల్లి శంకర్‌ ఆధ్వర్యంలో భారీ సంఖ్యలో వాహనాల్లో రేవంత్‌ రెడ్డి నివాసానికి తరలివెళ్లారు. ఈ సందర్భంగా టీపీసీసీ చీఫ్‌ను కలిసి శాలువా పూలమాలలతో సత్కరించారు. టీపీసీసీ చీఫ్‌గా రేవంత్‌ రెడ్డిని ఎంపికచేయడం పట్ల యావత్‌ రాష్ట్ర ప్రజలు, కాంగ్రెస్‌ కార్యకర్తలు హర్షం వ్యక్తం చేస్తున్నారని తెలిపారు. ఆపత్కాలంలో పార్టీకి కొండంత అండగా నిలబడి మద్దతు తెలియజేస్తున్న కార్యకర్తలకు నాయకులకు ఎల్లవేళలా అందుబాటులో ఉంటూ సహకరిస్తానని, పార్టీకి పూర్వ వైభవం తీసుకువచ్చేందుకు ఐక్యంగా పనిచేద్దామని రేవంత్‌రెడ్డి పిలుపునిచ్చారని తెలిపారు. వీర్లపల్లి శంకర్‌ ఆధ్వర్యంలో షాద్‌నగర్‌ నియోజకవర్గంలో పార్టీకి గత వైభవాన్ని తీసుకొస్తామని ఆశాభావం వ్యక్తం చేశారు. తను చేపట్టిన ప్రజా ఉద్యమాలకు, ఆందోళన కార్యక్రమాలకు వీర్లపల్లి శంకర్‌ ఎంతో సహకారం అందించారని అభినందించారు. ప్రతి కార్యకర్తకు, నాయకులకు అండగా ఉంటానని భరోసా ఇచ్చారు. ఈ కార్యక్రమంలో మాజీ మార్కెట్‌ కమిటీ చైర్మన్‌ వై.యాదయ్య యాదవ్‌, కిసాన్ కాంగ్రెస్‌ జిల్లా అధ్యక్షుడు చల్ల శ్రీకాంత్‌ రెడ్డి, నందిగామ సీనియర్‌ కాంగ్రెస్‌ నాయకుడు రాంరెడ్డి, బ్లాక్‌ కాంగ్రెస్‌ ప్రెసిడెంట్‌ బాల్రాజ్‌ గౌడ్‌, సీనియర్‌ నేత చెంది తిరుపతి రెడ్డి, చౌదరిగుడ మండల పార్టీ అధ్యక్షుడు రాజు, ఎంపీటీసీల సంఘం రాష్ట్ర అధ్యక్షులు కె. శ్రీశైలం, నందిగామ ఎంపీటీసీ కొమ్ము కష్ణ, మొగిలిగిద్ద ఎంపిటిసి శ్రీశైలం, కమ్మదనం ఎంపీటీసీ బొమ్మ అరుణమ్మ అంజయ్య గౌడ్‌, పర్వతాపూర్‌ ఎంపీటీసీ మల్లేష్‌ గౌడ్‌, ఉప సర్పంచ్‌ సీతారాములు, కౌన్సిలర్‌ రాయికల్‌ శ్రీనివాస్‌, ఉప సర్పంచ్‌ సుదర్శన్‌, నాయకులు కొత్తూరు హరినాథ్‌ రెడ్డి, నెహ్రూ నాయక్‌, జాకారం శేఖర్‌, మాధవులు, శ్రీనివాస్‌, నందారం అశోక్‌, లింగారెడ్డి గూడా అశోక్‌, నవీన్‌, తీగాపూర్‌ ఆంజనేయులు, గంగమోని సత్తయ్య, రాజు, బుడ్డా నర్సింలు, లింగం పుల్లారెడ్డి, అమర్నాథ్‌ రెడ్డి, శ్రీకాంత్‌ పాల్గొన్నారు.
