- షాద్‌నగర్‌ ఎమ్మెల్యే అంజయ్య యాదవ్‌
నవతెలంగాణ-కొత్తూరు
పల్లె ప్రగతిలో భాగంగా రెండో రోజు మండలంలోని పెంజర్ల గ్రామంలో సర్పంచ్‌ మామిడి వసుందరమ్మ ఆధ్వర్యంలో అధికారులు విద్యుత్‌ స్తంభాలను ఏర్పాటుచేశారు. కార్యక్రమానికి షాద్‌నగర్‌ ఎమ్మెల్యే అంజయ్యయాదవ్‌ హాజరై పనులను పరిశీలించారు. ఆయన మాట్లాడుతూ మండలంలోని పలు గ్రామాల్లో నెలకొన్న విద్యుత్‌ సమస్యలను గుర్తించి వెంటనే పరిష్కరించాలని ఆదేశించారు. పాడైన విద్యుత్‌ స్తంభాలను గుర్తించి వాటి స్థానంలో కొత్త స్తంభాలను ఏర్పాటు చేయాలని సూచించారు. వేలాడుతున్న విద్యుత్‌ తీగలను సరిచేయాలని తెలిపారు. ఈ కార్యక్రమంలో విద్యుత్‌ అధికారులు ఈఈ రాజారామ్‌ రెడ్డి, ఏడీ రవీందర్‌, ఏఈ లక్ష్మణ్‌, టీఆర్‌ఎస్‌ మండల అధ్యక్షుడు యాదగిరి, నాయకులు వంకాయల నారాయణరెడ్డి, మామిడి సిద్ధార్థరెడ్డి, దేశాల లక్ష్మయ్య, మార్కెట్‌ కమిటీ డైరెక్టర్‌ భీమయ్య, దేశాల జైపాల్‌, జూనియర్‌ పంచాయతీ సెక్రెటరీ వంశీకష్ణ, పంచాయతీ సిబ్బంది పాల్గొన్నారు.
