- టీపీసీసీ కార్యదర్శి ఎలుగంటి మధుసుదన్‌రెడ్డి
నవతెలంగాణ-షాబాద్‌
కాంగ్రెస్‌ కార్యకర్తలు, రాష్ట్ర ప్రజలు నచ్చిన, మెచ్చిన నాయకుడు రేవత్‌రెడ్డి టీపీసీసీ అధ్యక్షుడిగా ఎనికైన నేపథ్యంలో ఈ నెల ఏడున గాంధీ భవన్‌లో ప్రమాణ స్వీకారానికి కార్యకర్తలందరూ తరలిరావాలని టీపీసీసీ కార్యదర్శి ఎలుగంటి మధుసుదన్‌రెడ్డి పిలుపునిచ్చారు. సోమవారం షాబాద్‌లోని కాంగ్రెస్‌పార్టీ కార్యాలయంలో కాంగ్రెస్‌పార్టీ అధికార ప్రతినిధి పామెన బీంబారత్‌, డీసీసీ ప్రధాన కార్యదర్శి పామెన భార్గవరాం, పార్టీ మండలాధ్యక్షుడు కావలి చంద్రశేఖర్‌లతో కలిసి కార్యకర్తల సమావేశం నిర్వహించారు. అనంతరం ఆయన మాట్లాడుతూ ఈనెల 7న గాంధీ భవన్‌లో నిర్వహించే టీపీసీసీ అధ్యక్షబాధ్యతల మహౌత్సవానికి పెద్ద ఎత్తున కాంగ్రెస్‌ కార్యకర్తలు, అభిమానులు తరలిరావాలని కోరారు. ఈ కార్యక్రమంలో పార్టీ సీనియర్‌ నాయకులు దేశమల్ల ఆంజనేయులు, చేవెళ్ల స్వామి, వెంకట్‌రెడ్డి, చంద్రయ్య, ఆంజనేయులుగౌడ్‌, రవేందర్‌నాయక్‌, శ్రీనువాస్‌, తదితరులు ఉన్నారు.
