- మున్సిపల్‌ చైర్మన్‌ నరేందర్‌
నవతెలంగాణ-ఫరూఖ్‌ నగర్
పట్టణ ప్రగతిలో భాగంగా మున్సిపాలిటీని పచ్చదనంగా, పరిశుభ్రంగా ఉంచుదామని మున్సిపల్‌ చైర్మన్‌ కొందుటి నరేందర్‌ అన్నారు. సోమవారం పట్టణ ప్రగతి కార్యక్రమంలో భాగంగా షాద్‌నగర్‌ పట్టణంలోని పదో వార్డు కౌన్సిలర్‌ శ్రావణి ఆధ్వర్యంలో పట్టణ ప్రగతి కార్యక్రమాన్ని ప్రారంభించారు. ఈ సందర్భంగా మున్సిపల్‌ చైర్మన్‌ నరేందర్‌ మాట్లాడుతూ షాద్‌నగర్‌ మున్సిపాలిటీ పరిధిలో హరితహారంలో భాగంగా మొత్తం రెండు లక్షల మొక్కలను నాటడం లక్ష్యంగా పెట్టుకున్నామని తెలిపారు. పరిగి రోడ్డు మహబూబ్‌నగర్‌ రోడ్డుతో పాటు మున్సిపాలిటీ పరిధిలోని అన్ని వార్డుల్లో తగినంతగా మొక్కలు నాటుతామని పేర్కొన్నారు. హరితహారంలో భాగంగా ప్రభుత్వ సిబ్బందితో ప్రజలు కలిసి మొక్కలు నాటాలని పిలుపునిచ్చారు. ఈ కార్యక్రమంలో మున్సిపల్‌ కమిషనర్‌ లావణ్య, సిబ్బంది నగేష్‌ పాల్గొన్నారు.
