- కుమ్మర సంఘం జిల్లా యూత్‌ అధ్యక్షుడు విశ్వనాథం
నవతెలంగాణ-దోమ
ఈ నెల 11న చారిత్రాత్మక గోల్కొండ కోటలో వెలసిన శ్రీ జగదాంబిక అమ్మవారికి మన కుమ్మరులు సమర్పంచే తొలి భోనంతో ఆశాడమాసం భోనాల జాతర ప్రారంభమవుతుందని కుమ్మర సంఘం జిల్లా యూత్‌ అధ్యక్షుడు విశ్వనా థం తెలిపారు. శుక్రవారం వారు మాట్లాడుతూ గోల్కొండ కోటలో ప్రారంభమైన రోజునే మన ఇంటి ఆడపడుచుగా కొలుచుకొనే మన అమ్మవారికి, మనమే మొదటగా బోజనం పెడతామని, అది మా సంప్రదాయం అని, ఈ సమాజానికి చాటి చెప్పడానికే, తెలంగాణ రాష్ట్ర కుమ్మరసంఘం, కుమ్మర్ల తొలి భోనం జాతరని ప్రతి ఏటా చారిత్రాత్మక ట్యాంక్‌ బండ్‌ పై ప్రతిష్ఠాత్మకంగా నిర్వహిస్తుందన్నారు. ఈనెల 11న ఆదివారం ట్యాంక్‌బండ్‌ కట్టమైసమ్మ అమ్మవారికి తొలి భోనం సమర్పించాల్సి ఉంటుందన్నారు. ఆ తరువాత వచ్చే ఆదివారం గ్రామాల్లో పండుగ జరుపుకోవాలని సూచించారు. ఈ కార్యక్రమంలో కుమ్మరి సంఘం నాయకులు పాల్గొన్నారు.