- చిందేసిన పోతురాజుల ప్రదర్శన
నవతెలంగాణ-గండిపేట్‌
కోకాపేట్‌ గ్రామంలో కట్ట మైసమ్మ బోనాలను నార్సింగి మున్సిపాలిటీలోని కోకాపేట్‌ గ్రామంలో రెండు రోజుల పాటు బోనాల ఉత్సవాలను ఘనంగా నిర్వహించారు. ఉత్సవాలకు సోమవారం మాజీ సర్పంచులు ముంగి జైపాల్‌రెడ్డి, మంజుల యాదగిరి, బీజేపీ నార్సింగి మున్సిపాలిటీ అధ్యక్షుడు చిక్కిరి భిక్షపతి యాదవ్‌, కౌన్సిలర్లు శివారెడ్డి, దుర్గేష్‌ యాదవ్‌, విజరుబాబు హాజరయ్యారు. ఉదయం నుండి కట్ట మైసమ్మకు ప్రత్యేక పూజలు నిర్వహించారు. పట్టు వస్త్రాలు, తొట్టెల ఊరేగింపు, పోతురాజుల విన్యాసాలు, శివసత్తుల శిగాలతో అమ్మవారికి బోనాలను సమర్పించుకున్నారు. పసుపు కుంకుమలతో అమ్మవారికి నైవేద్యంతో పాటు కల్లు శాకలు సమర్పించుకున్నారు. సాయంత్రం గావ్‌ బోనంతో ఊరేగింపులో పోతురాజుల నృత్యాల ప్రదర్శన ఆకట్టుకున్నది. ఈ కార్యక్రమంలో టీఆర్‌ఎస్‌, బీజేపీ, కాంగ్రెస్‌, మాజీ వార్డు సభ్యులు, కౌన్సిలర్‌, యువకులు పాల్గొన్నారు.
