- మాజీ ఎమ్మెల్యే రామ్మోహన్‌ రెడ్డి
నవతెలంగాణ-దోమ
రాష్ట్రంలో నిరంకుశ పాలన కొనసాగుతోందని డీసీసీ అధ్యక్షడు, మాజీ ఎమ్మెల్యే రామ్మోహన్‌రెడ్డి అన్నారు. సోమవారం మండల పరిధిలోని దాదాపూర్‌ గ్రామానికి చెందిన టీఆర్‌ఎస్‌ సీనియర్‌ నాయకులు రూప్‌ఖాన్‌పెట్‌ రాములు కాంగ్రెస్‌లో చేరారు. వీరికి రామ్మోహన్‌రెడ్డి కండువా కప్పి పార్టీలోకి ఆహ్వానించారు. ఈ సందర్భంగా ఆయన మాట్లాడుతూ సీఎం కేసీఆర్‌ అవలంభిస్తున్న నిరంకుశ వైఖరిని వ్యతిరేకించాలన్నారు. ప్రజల్లో సీఎం కేసీఆర్‌పై వ్యతిరేకత పెరుగుతోందన్నారు. ఈ కార్యక్ర మంలో కాంగ్రెస్‌ దోమ మండల అధ్యక్షుడు విజరుకు మార్‌రెడ్డి, నాయకులు రాములుగౌడ్‌, సాలేటి బాబు, గుండ్లపల్లి దస్తయ్య, ఎండి జబ్బార్‌, రమేష్‌గౌడ్‌, తదితరులు పాల్గొన్నారు.
మీ స్నేహితులకు రికమెండ్ చెయ్యండి
