- హాజరైన అడిషనల్‌ ప్రాజెక్ట్‌ డైరెక్టర్‌ నీరజ
నవతెలంగాణ-కొత్తూరు
మండలంలోని సిద్ధాపూర్‌ గ్రామంలో ఏర్పాటు చేస్తున్న బహత్‌ పల్లె ప్రకతి వనం పనులను గురువారం అడిషనల్‌ ప్రాజెక్ట్‌ డైరెక్టర్‌ నీరజ ఎంపీడీవో జ్యోతితో కలిసి పరిశీలించారు. ఈ సందర్భంగా ఆమె మాట్లాడుతూ బహత్‌పల్లె ప్రకతి వనం కోసం ఎంపిక చేసిన స్థలం అనువుగా ఉందని అన్నారు. బహత్‌ పల్లె ప్రకతి వనం స్థలం మధ్యలో కొద్దిగా బండరాళ్లు కలిగి ఉండటంతో ఎంతో అందంగా తీర్చిదిద్దడానికి అవకాశం ఉందన్నారు. బండరాళ్ల చుట్టూ రోడ్డును ఏర్పాటు చేసి మొక్కలు నాటాలని, బండరాళ్లకు రంగులు వేసి అందంగా తీర్చిదిద్ది చక్కని పార్కును తయారుచేయాలని సూచించారు. అనంతరం గ్రామంలోని పల్లె ప్రకతి వనంలో ఏపుగా పెరిగిన మొక్కలను చూసి సర్పంచ్‌ పనితీరును అభినందించారు. ఈ కార్యక్రమంలో సిద్దాపూర్‌ సర్పంచ్‌ వడ్డే తులసమ్మ, ఉపాధి హామీ అధికారులు లింగం, సుబ్బారావు, ప్రవీణ పాల్గొన్నారు.
