- తాండూరు ఎమ్మెల్యే పైలెట్‌ రోహిత్‌ రెడ్డి
- టీఆర్‌ఎస్‌లో పలువురు చేరిక
నవతెలంగాణ-తాండూరు రూరల్‌
టీఆర్‌ఎస్‌ చేసిన అభివృద్ధి ఇతర రాష్ట్రాలకు ఆదర్శంగా నిలిచిందని తాండూరు ఎమ్మెల్యే పైలెట్‌ రోహిత్‌ రెడ్డి అన్నారు. శనివారం తాండూరు మండలం ఓగిపూర్‌ దస్తగిరిపేట గ్రామాలకు చెందిన వివిధ పార్టీల కార్య కర్తలకు ఎమ్మెల్యే కండువ కప్పి, టీఆర్‌ఎస్‌ పార్టీలోకి ఆహ్వానించారు. అనంతరం వారు మాట్లాడుతూ రాష్ట్రంలో టీఆర్‌ఎస్‌ చేస్తున్న అభివృద్ధిని చూసి పార్టీలోకి పలువురు చేరుతున్నట్టు పేర్కొన్నారు. పార్టీ కోసం నిరంతరం కృషి చేస్తూ, తాండూరు అభివృద్ధికి పాటుపడుతున్న ఎమ్మెల్యే రోహిత్‌ రెడ్డి అధ్యక్షతన పార్టీ లో చేరడం ఆనందంగా ఉందన్నారు. కార్యక్రమంలో ఉమ్మడి రంగారెడ్డి జిల్లా ఎంపీటీసీల ఫోరం అధ్యక్షులు సాయిరెడ్డి పటేల్‌ (నరేందర్‌ రెడ్డి ), టీఆర్‌ఎస్‌ మండలాధ్యక్షులు గుర్రంపల్లి రాందాస్‌, అంబరీష్‌, అంతారం సర్పంచ్‌ రాములు, ఉపసర్పంచ్‌ జీవరత్నం,నాయకులు ప్రకాశ్‌ , రాజు లక్ష్మణ్‌ తదితరులు పాల్గొన్నారు.
