- టీఆర్‌ఎస్‌ మండల ప్రధాన కార్యదర్శి ,జన్వాడ వార్డు సభ్యులు గౌడిచర్ల వెంకటేష్‌
నవతెలంగాణ-శంకర్‌పల్లి
క్రీడలు మానసిక ఉల్లాసానికి ఎంతగానో దోహదం చేస్తాయని టీఆర్‌ఎస్‌ మండల ప్రధాన కార్యదర్శి ,జన్వాడ వార్డు సభ్యులు గౌడిచర్ల వెంకటేష్‌ అన్నారు. మండల పరిధిలోని జన్వాడ గ్రామంలో శనివారం గ్రామస్థాయి క్రికెట్‌ టోర్నమెంట్‌ ప్రారంభించారు.అనంతరం ఆయన మాట్లాడుతూ పండుగల సమయంలో ఇలాంటి క్రీడలు నిర్వహిం చడం వల్ల యువతకు క్రీడల పట్ల ఆసక్తితోపాటు ఉత్తేజం నింపుతోందన్నారు. క్రీడలు గ్రామీణ ప్రాంతాల్లో నిర్వహించడంతో క్రీడల్లో దాగి ఉన్న ప్రతిభను వెలికితీయవచ్చని పేర్కొన్నారు. క్రీడాకారులు గెలుపోటములు సహజంగా తీసుకుని, మరల గెలుపు కోసం నిరంతరం కృషి చేయాలని సూచించారు.ఈ కార్యక్రమంలో ఆర్గనైజర్స్‌ తలారి రవి, కుమ్మరి గణేష్‌ ,జోగు చిన్న మల్లేష్‌, మద్దూరి మల్లేష్‌, వారితో పాటు వడ్ల నాగరాజు, గణేష్‌, కాసాల రమేష్‌, కుమ్మరి నరేష్‌ , శ్రీనివాస్‌, ఈదులకంటి మల్లికార్జున్‌, తిరుమణి శ్రీకాంత్‌ ,ప్రేమ్‌ కుమార్‌, తలారి సదా బాబు తదితరులు ఉన్నారు.
