నవతెలంగాణ-శంకర్‌పల్లి
ప్రభుత్వ పాఠశాలలో చదువుకుంటున్న పేద విద్యార్థులు ఇష్టంగా చదువుకుని ఉన్నత స్థాయికి ఎదగాలని మహారాజ్‌పేట గ్రామ సర్పంచ్‌ దోసాడ నరసింహారెడ్డి అన్నారు. మండల పరిధిలోని మహారాజ్పేట్‌ గ్రామంలోని శ్రీ రేసు సత్తిరెడ్డి జిల్లా పరిషత్‌ ఉన్నత పాఠశాలలో చదువుకుంటున్న విద్యార్థిని విద్యార్థులకు యూనిఫాములు అందజేశారు. అనతరం సర్పంచ్‌ మాట్లాడుతూ ప్రభుత్వ పాఠశాలలో పేద విద్యార్థులు మాత్రమే చదువుకుంటున్న విద్యార్థు లందరికీ మెరుగైన విద్యనందించాలని అన్నారు. వచ్చే పదో తరగతి పరీక్షల్లో వందశాతం ఉత్తీర్ణత శాతం కూడా పెంచే విధంగా ఉపాధ్యాయులు కృషి చేయాలని కోరారు.ఈ కార్యక్రమంలో వార్డు సభ్యులు ఉపసర్పంచ్‌ సుజాత నర్సింహ చారి, వార్డు సభ్యులు శ్రీకాంత్‌, ప్రధానోపాధ్యాయురాలు జీవనజ్యోతి, ఉపాధ్యాయులు సరిత, సంగీత, సుమతి, పుష్పలత, బాల్‌రాజ్‌, అశోక్‌, రాజేందర్‌ రెడ్డి, విద్యా కమిటీ చైర్మన్‌, విద్యార్థుల తల్లిదండ్రులు, పాల్గొన్నారు.
