- టీఆర్‌ఎస్‌ సీనియర్‌ నాయకులు చిర్ర మధుసూదన్‌రావు
- గూడూరు శివాలయం నిర్మాణానికి రూ.లక్ష విరాళం
నవతెలంగాణ-కొత్తూరు
దేవాలయాల నిర్మాణం చేపట్టి ఆధ్యాత్మికశక్తిని కూడగట్టాలని టీఆర్‌ఎస్‌ సీనియర్‌ నాయకులు చిర్ర మధుసూదన్‌రావు అన్నారు. కొత్తూరు మండలం గూడూ రు గ్రామంలో నిర్మించతలపెట్టిన నూతన శివాలయం నిర్మాణానికి తన వంతు సాయంగా రూ.లక్ష విరాళాన్ని ప్ర కటించారు. ఈ మేరకూ విరాళానికి సంబంధించిన చెక్కు ను ఆయన కుటుంబ సభ్యులతో కలిసి ఆలయ నిర్మాణ అభివృద్ధి కమిటీ సభ్యులకు అందజేశారు. ఈ సందర్భంగా ఆయన మాట్లాడుతూ..శివాలయం నిర్మాణంలో ప్రతీ ఒక్కరూ భాగస్వాములు కావాలని, ఆధ్యాత్మిక చింతనతోనే మానసిక ప్రశాంతత కలుగుతుందని అన్నారు. అలాగే నూతన శివాలయం నిర్మాణానికి మల్లాపూర్‌ తండా సర్పంచ్‌ రవినాయక్‌ రూ.51 వేలు, టీఆర్‌ఎస్‌ మండల ఉపాధ్యక్షులు లక్ష్మణ్‌ నాయక్‌ రూ.21 వేలు అందజేశారు. కార్యక్రమంలో సర్పంచ్‌ బ్యాగరి సత్తయ్య, ఉపసర్పంచ్‌ దయానంద్‌ గుప్తా, పిఎసిఎస్‌ వైస్‌ చైర్మన్‌ పద్మారావు, ఆలయ కమిటీ సభ్యులు తదితరులు పాల్గొన్నారు.
