- వికారాబాద్‌ జిల్లా కలెక్టర్‌ కె.నిఖిల
నవతెలంగాణ-వికారాబాద్‌ కలెక్టరేట్‌
తెలంగాణ రాష్ట్ర సంస్కృతికి చిహ్నామైన బతుకమ్మ పండుగను మహిళలు అందరూ పెద్ద ఎత్తున పాల్గొని ఘనంగా నిర్వహించుకోవాలని జిల్లా కలెక్టర్‌ నిఖిల అన్నారు. ఈ నెల 25 నుంచి అక్టోబర్‌ 3 వరకు 9 రోజుల పాటు నిర్వహించనున్న బతుకమ్మ ఉత్సవాలలో భాగంగా సోమవారం కలెక్టర్‌ కార్యాలయ ఆవరణలో మహిళలతో కలసి బతుకమ్మ వేడుకలో కలెక్టర్‌ పాల్గొన్నారు. సోమ వారం డీఆర్‌డీఓ, మహిళ సంక్షేమ శాఖ, మున్సిపాలిటీ, జిల్లా వ్యవసాయ శాఖ, మెప్మాల సంయుక్త ఆధ్వర్యంలో ఘనంగా నిర్వహించిన బతుకమ్మ సంబురాలలో కలెక్టర్‌ నిఖిల పాల్గొన్నారు. ఈ సందర్భంగా ఆమె మాట్లాడుతూ అక్టోబర్‌ 3 వరకు బతుకమ్మ సంబరాలను ఘనంగా నిర్వ హిస్తామని తెలిపారు. పట్టణంలోని మహిళలందరూ పెద్ద ఎత్తున బతుకమ్మ సంబరాలలో పాల్గొని విజయవంతం చేయాలని కోరారు. ఈ కార్యక్రమంలో జిల్లా సంక్షేమ శాఖ అధికారి లలితాకుమారి, డీఆర్‌డీఓ కృష్ణన్‌, జిల్లా వ్యవసా య శాఖ అధికారి గోపాల్‌, మున్సిపల్‌ కమిషనర్‌ శరత్‌ చంద్ర, మహిళా ఉద్యోగులు, అంగన్వాడీ, మహిళా సంఘం సభ్యులు తదితరులు పాల్గొన్నారు.
