- జడ్పీ చైర్‌పర్సన్‌ తీగల అనితా రెడ్డి
నవతెలంగాణ-మహేశ్వరం
మండల పరిధిలోని సిరిగిరిపురం అంగన్‌వాడీ కేంద్రాన్ని సోమవారం జిల్లా చైర్‌పర్సన్‌ తీగెల అనితారెడ్డి ఆకస్మిక తనిఖీ చేశారు. అంగన్‌వాడీ టీచర్స్‌తో ఆమె మాట్లాడుతూ పిల్లలకు పౌష్టికాహార లోపం లేకుండా, పరి శుభ్రమైన ఆహారాన్ని అందించాల్సిన బాధ్యత మనందరిపైన ఉంద న్నారు. చిన్నా రులకు,గర్భిణులకు పౌష్టకాహార లోపం లేకుండా ఉండేందుకు ప్రభుత్వం తరుపున అందించే పాలు, గుడ్లు, బాలమృతం సకాలంలో అందజేయాలని తెలిపారు. అంగన్వాడి కేంద్రాలకు వచ్చే చిన్నారులు వయసుకు తగ్గట్టుగా ఎత్తు బరువు ఉన్నారా అని అడిగి తెలుసుకున్నారు. ఈ కార్యక్రమంలో గ్రామ సర్పంచ్‌ కాసుల సురేష్‌, ఎంపీటీసీ విజరు మహేశ్వరం అగ్రికల్చరల్‌ మార్కెట్‌ కమిటి వైస్‌ చైర్మన్‌ ఆనందం,ఎంపీడీవో నర్సింహులు, టీఆర్‌ఎస్‌ సీనియర్‌ నాయకులు కరోళ్ళ చంద్రయ్య, ఆజామ్‌, మీడియా ప్రతినిధులు తదితరులు పాల్గొన్నారు.
