- శంకర్పల్లి సీఐ మహేశ్‌గౌడ్‌
నవతెలంగాణ-శంకర్పల్లి
సమాజంలో ఉపాధ్యాయుల పాత్ర కీలకమని శంకర్పల్లి సీఐ మహేశ్‌గౌడ్‌ , ఎస్‌ఐ కృష్ణ అన్నారు. శంక ర్పల్లి మండలంలోని వివిధ పాఠశాలలకు చెందిన ఉపాధ్యా యులకు రాష్ట్ర స్థాయిలో మర్పల్లి అశోక్‌, జిల్లా స్థాయిలో బి. రాములు, మండల స్థాయిలో మహేశ్వరరావు, మల్లేష్‌లకు ఉపాధ్యాయ ఉత్తమ అవార్డు పొందిన సంద ర్భంగా మంగళవారం వారిని ఘనంగా సన్మానించారు. ఈ సందర్భంగా వారు మాట్లాడుతూ సమాజంలో భావిభారత పౌరులను తీర్చిదిద్దే అవకాశం ఒక ఉపాధ్యాయులకు మాత్రమే ఉంటుందన్నారు. తల్లిదండ్రులు పిల్లలకు జన్మ నిస్తే ఉపాధ్యాయులు వారికి మంచి జీవితాన్ని అందిస్తారని తెలిపారు.మా గురువులు తమకు మంచి జీవితాన్ని ప్రసాదించినందుకే తాము ఈ స్థాయిలో ఉన్నామని పేర్కొన్నారు. ఈ కార్యక్రమంలో పీఆర్టీయూ సంఘ సంఘం రాష్ట్ర అసోసియేట్‌ అధ్యక్షులు ప్రేమ్‌ కుమార్‌, నాయకులు రాజేశ్వర్‌గౌడ్‌, పండిత్‌రావు, సంజీవరావు, లిటిల్‌ స్టార్‌ స్కూల్‌ కరస్పాండెంట్‌ సంజీత్‌ కుమార్‌, సెంటర్‌ శ్రీనివాస్‌ తదితరులు పాల్గొన్నారు.
