- ఐసో తెలంగాణ రాష్ట్ర సంఘం కో-ఆర్డినేటర్‌ రఘుపాల్‌
నవతెలంగాణ-చందానగర్‌
ప్రపంచ శాంతికి ప్రతి ఒక్కరూ కృషి చేయాలని ఐసో రంగారెడ్డి జిల్లా మహాసభలో ఐసో తెలంగాణ రాష్ట్ర కోఆర్డినేటర్‌ రఘుపాల్‌ అన్నారు.బుధవారం మదినగూడలోని త్రివేణి స్కూల్లో రంగారెడ్డి జిల్లా మూడోవ మహాసభలో పాల్గొని ఆయన మాట్లాడుతూ అమెరికా దాని మిత్రదేశాలు ప్రపంచవ్యాప్తంగా ఎప్పుడూ యుద్ధాలు కావాలని కోరుకుంటూ తమ ఆయుధ సంపత్తిని పేద దేశాలకు అమ్ముతుందన్నారు. ప్రపంచ శాంతిని కోరుకుంటాం అంటూనే, యుద్ధానికి ప్రోత్సహించే సామ్రాజ్యవాద దేశ వ్యతిరేక విధానాలపై ప్రజలు ఎప్పుడూ ముందుండాలన్నారు. ప్రపంచ శాంతి కోసం విద్యార్థులు ముందుండి పోరాడాల్సిన అవసరం ఎంతైనా ఉందన్నారు. అనంతరం ఐసో రంగారెడ్డి జిల్లా నూతన కార్యవర్గాన్ని ఎన్నుకున్నాయి ఈ కార్యవర్గ సభ్యులు, అధ్యక్ష వర్గం తిప్పర్తీ మహేష్‌, సుదర్శన్‌ రెడ్డి వినరు, ప్రశాంత్‌, కార్యదర్శులుగా శోభన్‌,రామకృష్ణ, కార్యవర్గ సభ్యులు చందుయాదవ్‌, అరుణ్‌ కుమార్‌ జంగయ్య, మధుసూదన్‌, శ్రీధర్‌, లింగం గౌడ్‌, బిక్షపతి, సంతోష్‌రెడ్డి, హిమబిందు, సైదులు పాల్గొన్నారు.
