నవతెలంగాణ-మర్పల్లి
మర్పల్లి మండల కేంద్రంలోని పోలీస్‌ స్టేషన్‌ను వికారాబాద్‌ జిల్లా ఎస్పీ కోటి రెడ్డి బుధవారం సందర్శించి విజిటర్‌ రూమ్‌ను ప్రారంభించారు. ఈ సందర్భంగా పోలీస్‌ స్టేషన్‌లోని రికార్డులను, గదులను పరిశీలించారు. ఈ సందర్భంగా ఎస్పీ మాట్లాడుతూ పోలీస్‌ స్టేషన్‌ ఆవరణ పరిశుభ్రంగా ఉందన్నారు. పోలీస్‌ స్టేషన్‌కు వచ్చే ఫిర్యాదు దారులతో మర్యాదగా ఉండి వారి ఇబ్బందిని ఓపికగా విని వారికి న్యాయం చేయాలన్నారు. బాధితులు ఎంతో బాధతో పోలీస్‌ స్టేషన్‌కు వస్తారనీ,వారికీ కూర్చోడానికి ఎలాంటి ఇబ్బంది లేకుండా చూసి, తాగడానికి తాగునీరు అందుబాటులో ఉండే విధంగా చూడాలన్నారు. పోలీస్‌ అధికారులందరూ ఓపికగా విధులు నిర్వహించాలని సూచించారు. మంచిగా పని చేసిన పోలీస్‌ అధికారులకు రివార్డ్స్‌ ఇవ్వడం జరుగుతుందన్నారు. ఇప్పటి నుంచి ప్రతి నెలా రివార్డ్స్‌ మేళా కూడా ఏర్పాటు చేస్తామని జిల్లా ఎస్పీ తెలిపారు. ఆయన వెంట వికారాబాద్‌ డీిఎస్పీ సత్యనారాయణ, మోమిన్‌పేట్‌ సీఐ వెంకటేశం, ఎస్‌ఐ రాజేంద్రప్రసాద్‌, పోలీస్‌ సిబంది తదితరులు ఉన్నారు.
