- అన్నదాన కార్యక్రమం నిర్వహించిన సిద్ధాపూర్‌ సర్పంచ్‌ వడ్డే తులసమ్మ బాలయ్య
- పాల్గొన్న టీఆర్‌ఎస్‌ సీనియర్‌ నాయకులు ఎమ్మె సత్యనారాయణ
నవతెలంగాణ-కొత్తూరు
మండలంలోని చింతగట్టు తండాలో బుధవారం తుల్జా భవాని స్వాముల ఇరుముడి కార్యక్రమం ఘనంగా జరిగింది. సుమారు 15 మంది తుల్జా భవాని స్వాములు ఇరుముడి కార్యక్రమం నిర్వహించుకుని మహారాష్ట్రలోని తుల్జా భవాని దేవాలయానికి బయలుదేరి వెళ్లారు. కార్య క్రమానికి టిఆర్‌ఎస్‌ సీనియర్‌ నాయకులు ఎమ్మె సత్య నారాయణ పాల్గొని అమ్మవారికి ప్రత్యేక పూజలు నిర్వహించారు. అనంతరం సిద్ధపూర్‌ సర్పంచ్‌ వడ్డే తుల సమ్మ బాలయ్య నిర్వహించిన అన్నదాన కార్య క్రమంలో పాల్గొని అన్నదానం చేశారు. ఈ కార్యక్రమంలో టిఆర్‌ఎస్‌ సీనియర్‌ నాయకులు వడ్డే బాలయ్య, పిఎసిఎస్‌ వైస్‌ చైర్మన్‌ మున్నూరు పద్మారావు, టిఆర్‌ఎస్‌ యువజన విభాగం మండల అధ్యక్షులు కడల శ్రీశైలం, వార్డు సభ్యులు నరేందర్‌ రెడ్డి, టిఆర్‌ఎస్‌ యువ నాయకులు వడ్డే మహేష్‌, పాండు, శివశంకర్‌, దయ్యాల సురేష్‌, రెడ్యా నాయక్‌ గ్రామస్తులు తదితరులు పాల్గొన్నారు.
