- కార్పొరేటర్‌ రాగం నాగేందర్‌ యాదవ్‌
నవతెలంగాణ- శేరిలింగంపల్లి
తెలంగాణ సాంస్కృతిని సంప్రదాయానికి నిలువెత్తు రూపమైనా బతుకమ్మ పండుగకు సంబంధించి చిత్రీకరించిన బతుకమ్మ పాటను తన నివాసంలో సురభి కళాకారుల సమక్షంలో యూట్యూబ్‌లో స్థానిక కార్పొరేటర్‌ రాగం నాగేందర్‌ యాదవ్‌ గురువారం ఆవిష్కరించారు. ఈ సందర్భంగా బతుకమ్మ పాటను చిత్రించిన యూనిట్‌ రచన-సంగీతం వి. సత్యశ్రీనాథ్‌, సింగర్‌ భాస్కర్‌, ఫిమేల్‌ సింగర్‌ వి.రేఖ, డి.ఓ పి శ్రీమహావిష్ణు,లకు శుభాకాంక్షలు తెలిపి అభినందిచారు. రానున్న రోజుల్లో మరెన్నో పాటలను చిత్రీకరించి ఉన్నత స్థాయిలో నిలవాలని ఆకాంక్షిస్తున్నట్టు తెలిపారు. స్థానిక కళాకారులకు ఎల్లవేళలా సహాయ సహకారాలు అందజేస్తామని, ప్రోత్స హిస్తామన్నారు. ఈ కార్యక్రమంలో టీఆర్‌ఎస్‌ సురభి కాలనీ బస్తీ అధ్యక్షులు వెంకట్‌ రెడ్డి, గోపాల్‌ యాదవ్‌, ఆర్‌. శ్రీనివాస్‌ పాల్గొన్నారు.
