నవతెలంగాణ-ఆమనగల్‌
తలకొండపల్లి మండలంలోని పూల్‌సింగ్‌ తాండ గ్రామ పంచా యతీ పరిధిలోని బుడియా తండా, లక్ష్మణ్‌ తాండ, లింబియా తండా ల్లో ఉన్న విద్యుత్‌ స్తంభాలు, వైర్లు చెడిపోయి కొంతకాలంగా విద్యు త్‌ సరఫరాకు అంతరాయం కలుగుతుంది. స్థానిక సర్పంచ్‌ లలిత రాజు ద్వారా విషయం తెలుసుకున్న తలకొండపల్లి మండల జడ్పీటీసీ సభ్యులు ఉప్పల వెంకటేష్‌ తన ట్రస్ట్‌ ద్వారా సొంతంగా ఖర్చు చేసి నూతన స్తంభాలు, వైరుతో పాటు వాటికి కావలసిన అన్ని వస్తువులు సమకూర్చి నూతన విద్యుత్‌ లైన్‌ను ఏర్పాటు చేయించారు. ఈ సందర్భంగా సర్పంచ్‌ లలిత రాజు, ఉపసర్పంచ్‌ శ్రీను, వార్డు సభ్యులు జెడ్పీటీసీ ఉప్పల వెంకటేష్‌కు కృతజ్ఞతలు తెలిపారు.
మీ స్నేహితులకు రికమెండ్ చెయ్యండి
