నవతెలంగాణ-కోడంగల్‌
జాతిపిత మహాత్మా గాంధీ 153వ జయంతి వేడుకలు కోడంగల్‌లోని ఆర్యవైశ్య యువజన సంఘం ఆధ్వర్యంలో ఘనంగా నిర్వహించారు, కోడంగల్‌లోని గాంధీ విగ్రహానికి పూలమాలవేసి నివాళులర్పించారు. ఈ సందర్భంగా ఆర్యవైశ్య యువజన సంఘం అధ్యక్షులు అన్నారం మురళి కృష్ణ గుప్తా మాట్లాడుతూ దేశ స్వాతంత్ర పోరాటంలో బ్రిటిష్‌ వారికి ఎదురు నిలిచి దేశ స్వాతంత్ర పోరాటంలో ప్రధాన భూమిక పోషించిన జాతిపిత మహాత్మా గాంధీ ఆశయ సాధన కోసం ప్రతి ఒక్కరు కృషి చేయాలన్నారు. గాంధీజీ కలలు కన్నా గ్రామ స్వరాజ్యం కోసం పాలకులు కృషి చేయాలన్నారు. కార్యక్రమంలో ఆకుల ప్రవీణ్‌, కుక్కళ్ళ చందు, వీరభద్ర బుక్‌ స్టాల్‌ వెంకటేష్‌, వెంకటేష్‌ తదితరులు పాల్గొన్నారు.
మీ స్నేహితులకు రికమెండ్ చెయ్యండి
