- రక్తదానం మహా దానం
- మున్సిపల్‌ చైర్‌ పర్సన్‌ తాటికొండ స్వప్న పరిమల్‌
నవతెలంగాణ-తాండూరు
రక్తదానం మహాదానం అని తాండూరు మున్సిపల్‌ చైర్‌ పర్సన్‌ తాటికొండ స్వప్న పరిమల్‌ అన్నారు. ఆదివారం తాండూరు పట్టణ కేంద్రంలో మహాత్మా గాంధీజీ, లాల్‌ బహుదూర్‌ శాస్త్రి గార్ల జయంతి సందర్భంగా బాలాజీ మందిర్‌ యందు లైన్స్‌ క్లబ్‌ తాండూర్‌, ఆల్‌ ఇండియా మార్వాడి యువ మంచ్‌ తాండూర్‌, ఆర్యవైశ్య యువజన సంఘం ఆధ్వర్యంలో రక్తదాన శిబిరం కార్యక్రమాన్ని నిర్వహించారు. ఈ రక్తదాన శిబిరం కార్యక్రమాన్ని తాండూరు మున్సిపల్‌ చైర్పర్సన్‌ తాటికొండ స్వప్న పరిమాళ్‌ ప్రారంభించారు. ఈ సందర్భంగా మాట్లాడుతూ.. మహనీయుల పుట్టినరోజు సందర్భంగా రక్తదాన శిబిరం ఏర్పాటు చేయడం అభినందనీయమన్నారు. అన్ని దానాల కంటే రక్తదానం మహా గొప్పది అన్నారు. తాండూర్‌లో వివిధ సంఘాల ఆధ్వర్యంలో సేవా కార్యక్రమాలు చేయడం హర్షణీయమన్నారు. కార్యక్రమంలో ఫ్లోర్‌ లీడర్‌ శోభ రాణి, కౌన్సిలర్‌ రామకృష్ణ, నాయకులు మన్మోహన్‌ సర్డా, రొంపల్లి సంతోష్‌ కుమార్‌, లైన్స్‌ క్లబ్‌ మార్వాడి యువ మంచ్‌, ఆర్యవైశ్య యువజన సంఘం సభ్యులు, తదితరులు పాల్గొన్నారు.
