నవతెలంగాణ చేవెళ్ల
అత్యంత సన్నిహితుడు, మొయినాబాద్‌ మండల వార్త దినపత్రిక రిపోర్టర్‌ మాసగల్ల లక్ష్మణ్‌ దాస్‌ కుమారుడు అక్షయ్‌ రాజ్‌ ఇంజనీరింగ్‌ చదువుటకు చేవెళ్లకు చెందిన రంగారెడ్డి జిల్లా వార్త దినపత్రిక జిల్లా రిపోర్టర్‌ బేగరి వెంకటేష్‌ రూ.50,000 వేల రూపాయలు ఆర్థిక సహాయం చేశారు. గత ఏడాది ఆగస్టు 20న కరోనాతో మొయినాబాద్‌ మండల వార్త దినపత్రిక రిపోర్టర్‌ మాసగల్ల లక్ష్మణ్‌ అకాల మరణం చెందిన విషయం తెలిసందే. విద్య నభ్యసించటకు ఆర్థిక ఇబ్బందులు ఉండకూడదనే ఉద్దేశంతో మాసగళ్ళ లక్ష్మణ్‌ కుటుంబ ఆర్థిక సమస్యలు బెగరి వెంకటేష్‌ దృష్టికి రాగ, వెంటనే స్పందించిన వెంకటేశ్‌ అక్షరు రాజ్‌ ఇంజనీరింగ్‌ చదువుకు ఆర్ధిక సహాయం అందించారు. ఉపాధి అవకాశాలు రావాలంటే విధ్య జ్ఞానం అవసరమన్నారు. ఇంజనీరింగ్‌ ఉన్నత చదువులకు ఆర్థిక సహాయం చేసిన వెంకన్నకు కృతజ్ఞతలు తెలిపారు. కార్యక్రమంలో చేవెళ్ల పిఎసిఎస్‌ డైరెక్టర్‌ నత్తి కృష్ణారెడ్డి, చేవెళ్ల చెందిన వెంకట్‌ రెడ్డి, మొయినాబాద్‌ వార్త రిపోర్టర్‌ కర్రోల్ల శ్రీధర్‌ పాల్గొన్నారు.
