- మున్సిపల్‌ కమిషనర్‌ వీరేందర్‌
నవతెలంగాణ-కొత్తూరు
స్వచ్ఛ మున్సిపాలిటీలో కొత్తూరు మున్సిపాలిటీకి భారతదేశంలోనే12వ ర్యాంకు వచ్చినట్టు కొత్తూరు మున్సిపల్‌ కమిషనర్‌ వీరేందర్‌ తెలిపారు. శుక్రవారం ఆయన మాట్లాడుతూ... భారత దేశంలో స్వచ్ఛ భరత్‌ మిషన్‌ స్వచ్ఛ సర్వేక్షన్‌ 2022 లో భాగంగా 15 వేల జనాభా కలిగిన మున్సిపాలిటీ విభాగంలో కొత్తూరు మున్సిపాలిటీకి 12వ ర్యాంకు వచ్చినట్టు తెలిపారు. ఈ సందర్భంగా ఆయన మాట్లాడుతూ... కొత్తూరు స్వచ్ఛ మున్సిపాలిటీ లో పాలుపంచుకున్న పరిశుద్ధ కార్మికులకు ధన్యవాదాలు తెలిపారు. దేశంలోనే 12వ ర్యాంకు రావడం పట్ల అందుకు సహకరించిన ప్రతి ఒక్కరికీ ఆయన సంతోషం వ్యక్త పరుస్తూ కృతజ్ఞతలు తెలిపారు.