- జడ్పీటీసీ పట్నం అవినాష్‌రెడ్డి
నవతెలంగాణ-షాబాద్‌
మాచనపల్లి గ్రామానికి అవసరమైనన్ని నిధులు అందించి, ఆదర్శ పం చాయతీగా తీర్చిదిద్దుతామని జడ్పీటీసీ పట్నం అవినాష్‌రెడ్డి అన్నారు. గురువారం మాచన్‌పల్లి గ్రామస్తులు జడ్పీటీసీ పట్నం అవినాష్‌రెడ్డిని కలిసి గ్రామంలో అంతర్గత మురుగు కాల్వలు, సీసీ రోడ్ల నిర్మాణ పనులు, అంతిరెడ్డిగూడ గ్రామానికి వెళ్లే రోడ్డు పనులు నిలిచిపోయాయని, పోలారం గ్రామానికి వెళ్లె రోడ్డుకు నిధులు అవసరమని గ్రామస్తులు వివరించారు. ఈ సందర్భంగా ఆయన మాట్లాడుతూ త్వరలోనే గ్రామంలో పర్యటించి గ్రామాభివృద్ధికి అవసరమైనన్ని నిధులు అందించేందుకు ప్రయత్నిస్తానని తెలిపారు. ఈ కార్యక్రమంలో గ్రామ సర్పంచ్‌ మహేందర్‌రెడ్డి,ఉపసర్పంచ్‌ గోపాల్‌, గ్రామస్తులు నరేందర్‌ గౌడ్‌, రాజశేఖర్‌ గౌడ్‌, కుమార్‌, మల్లేష్‌, చందు, నవీన్‌, సురేందర్‌, సాయివివేక్‌, సుమన్‌, నరేష్‌, రవీందర్‌, దేవెందర్‌ గౌడ్‌, నిక్కి గౌడ్‌, పవన్‌ గౌడ్‌ తదితరులు పాల్గొన్నారు.
